ahmed107 إدارة الموقع
عدد الرسائل : 830 العمر : 35 تاريخ التسجيل : 28/04/2008
| موضوع: امتحان السفارة المصرية للحصول على الأربعاء مايو 21, 2008 11:12 am | |
| امتحان السفارة المصرية للحصول على الجنسية
صباح الفل حبايبي الأعزاء يشترط لدخول الامتحان ان المتقدم يكون معاه كل أدواته اللازمة : قلم رصاص – أستيكة (تحسباً للأخطاء الكتيرة) - اثبات شخصيتك (تذكرة اوتوبيس – مفتاح الشقة – كارت تليفون مينا تل – عملة مصرية - أي حاجة) في حالة لو احتجت لورقة اجابة زيادة اطلب من المشرف مع مراعاة عدم كتابة اسمك عليها (ما هي مش فارقة هتنجح هتنجح)
السؤال الأول:اختار من بين الأقواس الكلام الصح
1- حنان ترك اتحجبت يعني........... (لبست جزمة - لبست ساعة - لبست ايشارب) 2- اللي بنى هرم خوفو............ .(طلعت مصطفى - المقاولون العرب - مقاول أنفار - خوفو) 3- اللي بنى مصر كان في الأصل......( حلاق - نجار - تاجر مخدرات - صلاح - حلواني) 4- البرنامج اللي بيجي ع القناة الأولى كل يوم الساعة 7.00 صباحاً ومحدش بيتفرج عليه برنامج..صباح الخير (يا ماما - يا بابا - يا خالو - يا ريس - يا مصر ) - بص في ورقتك يا حيواااان! 5 - مصر هى أمي نيلها جوا...........(عبي - بطني - رجلي - جيبي - دمي ) 6- رئيس مصر القادم السيد......(جمال مبارك - جمال مبارك – و حياة أمك جمال مبارك - كل ما سبق )
السؤال الثاني:أكمل الجمل الآتية بكلام م الآخر
1- انتبه من فضلك السيارة ترجع إلى............ ......... ... 2- ماما زمنها............ ...... 3- من خلال تجاربك السابقة...البامبرز استيك منه............ . 4- طلعت أدّب نزلت أدّب لقيت الدب بيأزز............ 5- اسم والد اللاعب وائل جمعة الحاج............ .. - و لو بتشجع أي فرقة من الفرق الأجنبية 'ريال مدريد ولا برشلونة ' وحياة أمك ما إنت واخد أم الجنسية
السؤال الثالث:ضع علامة صح أو علامة غلط أمام الكلام الجاي وعشان احنا بنحبكو حط صح على كله ياباشا
1- بابا فين؟؟ .بابا هنا..قوله مين؟؟ قوله عمو ( ) اكيد صح يا اما انتا معندكش حس موسيقى
2- ا الشعب دائما في خدمة الشرطة( ) اكيد صح يامعلم احنا موجودين عشان نريحهم ونعملهم اللى هما عايزينو
3- أذان المغرب في رمضان بصوت طارق نور ( )
- صح يا أهبل ، كل حاجة في رمضان بصوت طارق نور 4- شاي الجوهرة حتة سكرة ( ) اه ياعم.........مش منتج مصرى يبقى اكيد حتة سكرة لاتقولى ليبتون ولاغيره
5- يحكم مصر النظام الملكي ( ) وحياة امك انا زهقت منك مش كل شوية هقولها | |
|
م/محمد عوف إدارة الموقع
عدد الرسائل : 610 تاريخ التسجيل : 29/04/2008
| موضوع: بسم الله الرحمن الرحيم الأربعاء مايو 21, 2008 4:42 pm | |
| gamela gedan wa 3agabetny aktar la2enaha nokta be tareka gededa | |
|
ahmed107 إدارة الموقع
عدد الرسائل : 830 العمر : 35 تاريخ التسجيل : 28/04/2008
| موضوع: رد: امتحان السفارة المصرية للحصول على السبت أغسطس 16, 2008 7:59 am | |
| | |
|